旺角繁忙路段再現行人亂過馬路情況。昨日（2 月 27 日）上午約10時許，有司機在登打士街與彌敦道交界行駛時拍下車Cam，看一名阿姐疑於紅燈期間橫過馬路，更在車陣前「慢慢行」，引起熱議。
旺角阿姐亂過馬路仲慢慢行「大地任我行」
該車Cam影片由一名司機上載至社交平台，他在帖文中無奈表示，「已經亂過馬路㗎啦，仲慢慢行，呢啲人真係無藥可救。」
從車Cam畫面可見，一名女子突然走出路面，未有顧及當時車流。行至路中間時，她依然以極慢步伐前進，逼使司機要慢慢煞車及減速避讓。其實該路段位置一向車流繁忙，馬路頗為危險，若發生意外便一發不可收拾！
網民怒斥阿姐亂過馬路
車Cam影片上載後，大批網民留言大表無奈，「大地任我行，行人霸王進化版。」、「好似全世界都要等佢咁。」、「旺角真係咩奇景都有。」、「行得慢唔緊要，起碼睇吓車先啦。」、「亂過馬路仲扮優雅，我係司機都頂唔順。」、「呢啲先至係真正嘅道路黑點。」；亦有網民提醒司機保持冷靜：「小心啲好，依家過馬路嘅人咩款都有。」