圍村原居民鄧先生祖屋遭人私自賣走，而將單位賣出的竟是曾提出代出資修繕相連單位的「李先生」。《東張》攝製隊立即出動追訪，查明事件真相！
東張西望｜騙子出現自稱被「追殺」
攝製隊追訪涉事李先生，他現身後豪言行徑「合理」，並理直氣壯地聲稱自己也是受害者，「有單有據有租約㗎。咁而家……唔好再問；係你地產作喺度做嘢，係你警察唔公道！白紙黑字寫到明個喎。嗰張支票係你收？係我收嘅！」
他甚至以被黑社會追殺為理由辯解，但無法掩蓋其私自出售他人財產的事實，「而家鄧生就好無辜嘅！我更加無辜啊！你點無辜法啊？我洗咗錢，俾人告俾佢哋追殺，黑社會追殺！有錄音㗎！」。
李先生和鄧先生在攝製隊的陪同下，一同到警署報案，李先生聲稱被騙，而鄧先生則控訴李先生搶物業。不過，警方就以鄧先生不是業主為由，未能立案。
東張西望｜新買家或面臨財樓兩空？
事件中除原居民鄧先生成為苦主外，新買家亦捲入其中，有可能面臨財樓兩空的風險。就以上個案，沈豪傑律師分析，要視乎新買家黃先生是否一個屬於法律上的真誠買家，第二就是對於任何業權上問題都是不知情，例如不知道物業涉及第三者權益，那他則可以被認為是一個真誠買家。
東張西望｜苦主自言不會放棄 將繼續追討權益
對於鄧先生的業權追回機會，沈律師說：「其實就住呢一類型嘅紀錄，法庭都話，如果單純一個咁樣嘅紀錄呢，唔足以證明呢個係一個良好嘅業權。所以我認為單憑呢一句就話呢一間屋係曾經屬於鄧先生嘅話呢，呢個未必可以成立。」
沈律師又指，「李生似乎係好清楚佢必須要歸還你返間屋，但係佢依然將佢賣俾第三方，然後亦都收咗對方嘅錢，如果佢喺明知呢份合約冇法律效力，甚至非法之下，佢仍然將間屋賣俾人，咁就會因為呢個非法嘅元素，就令到張合約無效。」
鄧先生最後又強調，自己不會放棄將繼續追討權益，「就算我呢一代攞唔到，我下一代都要繼續追討。」
