輕．功︱朱敏瀚慣性晒肌唔尷尬 化身裸模着兩條底褲打底

熱播台慶劇《輕．功》，最新一集的另一大焦點乃是「顏值擔當」朱敏瀚除衫大曬爆肌。劇情說到翊風（朱敏瀚飾）因女友Chloe懷孕關係，決心努力搵錢，兼連「裸模」都撈埋，除了被一班女士們眼甘甘望住畫畫，初戀女友Yuki（朱晨麗飾）發現翊風做裸模，更對住全裸的他大比直豎拇指手勢，場面搞笑。

說到於該場口中「剝」得相當徹底，朱仔透露：「嗰場戲除着咗一條底褲，外面再加咗條肉色底褲，因為近幾年都習慣拍除衫戲，所以都冇話尷尬。」朱仔指對當時身形不太滿意：「拍攝時係疫情最嚴重時，所有健身室都關門，只可喺屋企用僅餘嘅器材操肌，雖然離我滿意嘅狀態都有啲距離，但For翊風呢個角色係足夠，都見得吓人。」