中年好聲音2皇者誕生︱大熱黃劍文失聲只得「梗頸四」 安雅希把聲返咗嚟：名次只係數字

歌唱真人騷《中年好聲音2》經已圓滿落幕，冠、亞、季軍皇者順利誕生。名次其實唔重要，一班「中二生」已經用實力證明了他們的唱功無庸置疑。

同是大熱參賽者黃劍文，僅差兩分得「梗頸四」，不過劍文接受其他傳媒訪問時表示已經好開心：「因為我把聲病足成個月，期間大家都畀好多藥我去試，好感恩呢度好有愛，雖然把聲都係咁，已經盡咗自己最大嘅努力。」

至於安雅希曾一度因為減肥被評判指「唱歌唔夠氣」，她指出：「評判都話我把聲番嚟喇，其實去到七強已經係Team work，邊個攞獎都會喺後台喊。我哋互相照顧同提點，所以對於我嚟講名次只係數字，最緊要喺呢條路行得遠。」