逆天奇案2︱Hazel拒絕Nic Sir求婚 轉玩同居試婚！

由劉家豪總監製的《逆天奇案2》繼續熱播，昨晚（8日）一集，復合成功的Nic Sir（黃智賢飾）和Hazel（蔣祖曼飾）關係再有新變化！Nic Sir借意約Hazel到長洲吃海鮮，實質是在船上炮製驚喜求婚。Nic Sir準備好大束鮮花和閃爆求婚戒指，跪地向Hazel求婚，發表愛的宣言：「我哋兜兜轉轉喺呢隻船遇番，我相信係有天意，你唔止係我嘅Special Partner，更加係我嘅Special One，你係我永遠嘅The One，嫁畀我吖！」雖然氣氛非常浪漫，但Hazel卻婉拒Nic Sir求婚，原來Hazel受父母離婚影響對婚姻有恐懼：「我真係冇信心，Sorry。」雖然Nic Sir慘遭Hazel派檸檬，但他未有因而氣餒，更成功氹掂Hazel同居試婚。

船上求婚場口雖然氣氛浪漫，但拍攝過程其實相當辛苦，Joman受訪時透露：「上輯都有拍過船上戲，有咗上次經驗都知道時間比較趕，所以我哋做足準備。當日天氣係超級無敵咁熱，雖然我着到唔係好厚，但我真係好大汗，拍到身水身汗，反而阿Ben佢就好犀利，佢仲要着西裝三件套，但佢真係完全冇汗出，佢話拍古裝拍到已經習慣熱嗰種感覺，話自己冇汗出㗎喇，呢啲真係經驗嚟，我都好希望練到冇汗出！」

講到今輯與Ben再續前緣，Joman直言大家有晒默契：「上輯比較着重Hazel工作上面嘅嘢，今輯嘅重點就喺感情上面，所以同Nic Sir會多啲親密戲，阿Ben不嬲都超級照顧拍檔，無論戲內戲外佢都會幫你諗埋，諗咗你先再諗自己，所以同佢拍嘢係好開心同放心。」

另外，劇中打戲連場的Ben在IG上載做Gym相，相中阿Ben半裸大晒爆肌身材，胸肌和腹肌相當結實，完全看不出已年屆56歲，Ben留言：「練的是身體；磨的是鬥志！為新角色裝備自己！」

練的是身體；磨的是鬥志！BEN好勁!