獎門人Hug Hug媽咪感謝祭︱陳煒搞笑嗌梁小冰收檔 馮盈盈寸梁競徽帶貨冇人幫襯？

特備節目《獎門人Hug Hug媽咪感謝祭》，嘉賓陣容有熱播劇《逆天奇案2》演員組成的「逆天奇案2」隊，成員包括陳展鵬、林夏薇、方力申、劉佩玥、張頴康、馮盈盈、高鈞賢和梁小冰，對戰「朱隊友」隊的朱咪咪、陳煒、郭政鴻、袁偉豪、張振朗、范振鋒和梁競徽（唯唯）。 

焦點遊戲「開心無敵私人醒」，更成為兩隊隔空罵戰戰場！其中一條題目「講咗畀人掌嘴嘅說話」，煒哥先是寸爆小冰：「收檔啦！」小冰唔執輸反擊：「做極都唔紅呀你！」之後戰火蔓延到盈盈和唯唯身上，盈盈寸爆近年在內地帶貨的唯唯：「你賣嘢全部畀人退貨，零營業額呀！」唯唯不甘視弱「回敬」：「你套套劇擔正但全部仆直冇收視，除咗《逆天2》！」笑爆全場。另一條題目是「講出三級片名稱」，眾人發揮小宇宙創作出多個搞笑啜核戲名，包括「警花警棍有景轟」、「戰車戰神戰銷魂」等。