陳詩欣進行美容療程時「出事」 美容險變毀容！對方淡淡然：做傷了

「索爆人妻」陳詩欣（Eunice），自近年嫁入豪門之後，日日生活無憂，好開心！不時更新闊太生活日常的她，日前在社交平台出PO，竟自揭進行美容療程時「出事」，差點毀容？

見到Eunice分享多張臉頰上出現結焦及脫皮情況，更慘遭爛面！Eunice透露兩個月前做美容療程中伏經過：「話說之前盲去咗一間網上推介美容院做針清，個個都大讚咁我咪試下。咁本身諗住清吓啲黑頭粉刺（大家都知道我之前面頰位好多暗瘡）即使而好返，色素都未完全康復！咁治療師見到我仲有少少暗瘡印，佢就問靚女試唔試做海藻矽針啊？」

Eunice再指，治療師在其臉頰不停按摩，要求停止時已經太遲，對方還表示有少少紅、少少脫皮都是正常，大約三日便會沒事。豈料，看着相片中Eunice的「傷勢」相當不輕，直指皮膚燒傷：「誰不知佢做傷了我的皮膚Burn了，每日都好痛，完全唔可以打側瞓。」Eunice因為此事激到爆炸：「佢只係回覆我一句做傷了，之後隔咗幾個鐘頭，我再追問佢先告訴我解決嘅方法，一句對唔住都冇，只告訴我佢有好多客都係咁，一家會好起來的。呢個故事教訓我真係唔好亂嚟，搵美容院真係要搵一間信得過加要有信譽的，同埋去印真係要做機！我現在好似從頭開始處理我的黑印。今次真的中伏了，結果我用了一個月時間先好返，以後都唔敢亂嚟！」認真慘情，要快啲好返啊！

圖片來源：陳詩欣IG

嘩!好慘情呀EUNICE!中伏經過好慘情!