宣傳廣告都有教「安全駕駛，人人有責」，若司機感疲倦，就應立即停車休息，不過近日有的士司機就被鄰車拍到，在公路開車期間「瞓着覺」，更被拍成影片放到網上。
的士大哥開車期間「瞓着覺」嚇親鄰車
有人在網上分享所見的一則「驚險經歷」，拍片者寫道，「乘客很勇敢」。他指，早前於乘車並在公路期間，發現鄰車的士司機竟然睡着覺。據影片所見，該輛的士後座有一位乘客，而的士司機則戴上口罩，但仍見到他已睡着，而且車速頗慢。
司機原來「好出名」？
事件引起市民討論，不少人指這位司機「好出名」，更形容自身經歷，指自己不慎乘坐該車更非常害怕，「估唔到呢個老司機咁出名， 咁多人坐過。希望佢快啲搵夠可以安享晚年身體健康」、「佢唔應該繼續做的士司機，應該享福安享晚年。」、「我真係幾個月前坐過佢架車，好驚，因為排的士站。冇得唔上，真係驚到震」、「我遇過，幾個星期前佢突然貼住巴士cut入黎，令巴士司機急煞嬲到個司機同下層乘客落車X，佢仲唔知發生咩事」、「正路車行應該唔租畀佢」、「呢個XX我幾年前坐過車，原來仲未死，揸車騎晒線又中下中下！」、「我都坐過佢車，成程都係咁，仲震X過貓王隻腳」、「我見過佢喺大圍，撞到人哋架電單車」、「超過60歲應該一律禁止揸的士」、「真係社會嘅悲歌，咁大年紀揸到側晒身都要揸，佢其實咁樣好危險，對道路使用者危險，對乘客危險，不過喺今日嘅香港，有得搵多幾個錢就幾個錢。」、「我早一兩個禮拜好似有坐過懷疑係同一個，手車真係好恐怖，慢得嚟又唔穩定，左擺右擺，兩條線佢會騎着架車喺中間線。」、「呢個司機我好似坐過，驚到癲，每次紅燈就瞓吓，壓哂線」、「喺港島坐過佢車，就算係短程都好驚」、「我唔會幫襯呢架，驚」、「真係生命作賭注」。