《東張西望》節目周日（6月8日）報道，觀眾謝先生早前於中環站聚餐後準備搭港鐵返家，但之後坐扶手電梯時電梯突然停低，他隨即仆低並受傷，其後謝先生向《東張》投訴事件。節目播出後，在網上引起正反熱議，甚至有人揶揄受傷事主！
網民竟揶揄受傷事主？
《東張+》記者發現網上有不少人討論事件，更掀起「正反熱議」！不少人覺得事件其實是事主大意不小心，才導致意外發生，質疑如果有緊握扶手，可能未必會出現受傷事故，甚至揶揄受傷事主，「就係因為安全先會自己停，位人兄無講自己有無緊握扶手，有無飲酒等等」、「事主有冇聽機電處指引，緊握扶手？有cctv。」、「回俾東張封信跟投訴人講嘅兩個版本差好遠喎」、「自動停係人為program, 所以一定要執住扶手！」、「有晒廣播有晒安全指引，自己唔做足，出事怪人地」、「有無扶實先？」、「唔扶實扶手除左害你自己，你往前面仆仲會害埋其他人」、「意外意外，意料之外，咁大個人都唔知要捉緊扶手咩？」。
部分網民言論：
網上掀正反熱議
除此之外，也有人認為港鐵亦要負上一定責任，亦有觀眾指大家應該小心使用扶手電梯，以免再生意外，「港鐵經常有廣播提醒乘客：站穩扶好，唔好掛住睇手提呀！」、「自動停係人為program, 所以一定要執住扶手！小心有好多攞住大行李嘅人！」、「最近有次屯馬線電梯都係冇拿拿自動停，好彩冇跌底，個時都係放工時間」、「扶手電梯呀！要扶實㗎，個個唔跌係佢跌，佢自己都要負責喇。電梯唔係自己停，係俾行李喼卡住停，要追賠償要揾番行李主人。」、「一定會捉實扶手，十級地震都唔會跌」、「重要係盡自己責任，捉緊扶手」。
事件為事主謝先生在節目中，控訴港鐵職員的處理手法，表示非常不滿，又形容港鐵職員態度；港鐵之後回覆《東張》表示，車站職員已按乘客要求，留低姓氏、職位及跟進聯絡方法等資料，並已即時為失平衡跌倒的男乘客報警及召喚救護車。