獲派公屋本以為是人生一大樂事，但不料仲有考驗？觀眾吳小姐向《東張》表示，上月獲派柴灣環翠邨單位，但其後發現單位鐵閘與木門的安裝方向相反，鐵閘鎖在右邊，大門鎖在左邊。
吳小姐直言，由於鎖頭位置被遮擋，導致開門極為困難，需扭曲手腕才能插入鎖匙。原來不少觀眾都有同類問題，更有多人在《東張+》社交平台留言稱「問題已存在多年」！
公屋住戶紛紛留言怒插
不少相關的公屋住戶看到《東張》昨日報道後，紛紛留言怒插相關部門，有人表示問題已存在多年，希望部門得以正視，亦有人指多個屋邨都有同類事件，申訴無門，「房署做錯又唔肯認，到時如果火燭，阻延消防救人，搞出人命，又唔知邊個負責？」、「反人類設計」、「香港房署的天才設計. 如果佢地自己住的地方係咁, 佢地又OK 嗎?」、「有問題又唔承認」、「有冇諗過有火警嘅時候，對住戶係非常之危險」、「有人被困屋內，消防爆門前要先爆閘，應該要盡快處理，如果房署話無問題，在火警發生時又唔知死幾多人。」、「明顯係裝錯方向, 死不認錯,」、「件事出現咗釨耐呀，點解而家先有人講。如果一早有人向傳媒出聲，就唔會出咁耐錯」、「樓上樓下都係咁裝唔代表件事係啱」。
觀眾稱讚幸好有《東張》
同時，亦有不少觀眾稱幸好有《東張》，得以廣傳事件，才能令有關部門跟進，「跟進？之前一直都話無錯，報東張就跟進中，以後乜都報東張，個政府各部門先做嘢」、「又係要上東張先正視」、「咁多年都唔跟進，報咗東張西望先去跟進」、「唔報東張就冇人跟進?!」。