旅行團廣告向來花款多多，但近日一張旅行社宣傳海報就在網上掀起熱議。有網民在社交平台發文笑稱，原本以為只需數百元就可以欣賞到樂壇校長譚詠麟演出，結果細看才發現，原來海報寫的是「譚詠麟模仿者」，令不少網民哭笑不得。
原來係「譚詠麟模仿者」
從網民分享的照片可見，涉事宣傳海報張貼於旅行社櫥窗位置。海報以金色咪高峰及演唱會舞台設計作主題，中央以顯眼字體寫上「懷舊金曲之夜」。而在活動介紹位置，則列出節目內容為：「中山『譚詠麟』模仿者」、「懷舊金曲之夜」、「2／3天團」。
而旅遊套票售價則由299元起，另設399元及599元不同套餐選擇。由於「譚詠麟」幾個字非常突出，不少途人第一眼望過去未必留意到後方的「模仿者」三字，因此引起網民熱烈討論。
網民笑爆：以為執到寶
帖文上載後迅速瘋傳，不少網民都表示第一眼確實誤會了。有網民笑言：「以為最平299蚊可以睇譚詠麟。」、「原來係譚詠麟模仿者。」、「點解唔加多少少睇真譚詠麟？」；更有人自嘲，「比平啲我，我都可以做譚詠麟模仿者。」
亦有人認為廣告設計相當有趣：「睇到一半先發現重點係模仿者。」、「差啲以為旅行社做慈善。」、「299蚊連車連食連校長，點諗都知冇可能。」