廖駿雄下月中設靈家鄉上水下葬 愛兒社交平台泣訴不捨之情

甘草演員 廖駿雄 5月18號於醫院離世，家屬星期六刊登訃文公告喪禮詳情，定於6月14號於大圍寶福紀念館設靈，隔日先到上水圍圍康樂亭村祭，中午大殮後出殯，靈柩將奉移上水華山村安葬。

17歲加入TVB藝員訓練班，曾演出多部劇集，好似《天師執位》當中嘅「大粒癦」，仲有近期深夜正重播嘅《笑看風雲》都可以見到佢身影。後來轉戰商界嘅佢近年演出減少，只係間中於劇集客串演出，2021年時佢確診胃癌，曾稱三度徘徊鬼門關，後公佈已擊退癌魔。

育有一子一女嘅佢，其子 廖家爵 亦追隨父業加入娛樂圈成為演員，日前就以黑底白字「如果係夢該有多好」，不捨父親離世。而當日公佈死訊嘅 翁靜晶 ，更痛陳香港醫療不足，令廖駿雄病逝前承受不必要嘅痛苦。