張馳豪玩快閃街頭跳舞 Dirty Rhythm號前拍福利片

張馳豪Aska 有份作曲、填詞嘅新歌《Dirty Rhythm》，派台後得到唔錯成績，除咗成為 TVB勁歌金榜 同 新城勁爆流行榜本地榜嘅冠軍歌外，喺香港電台中文歌曲龍虎榜亦得到季軍，同時亦打入「903專業推介」。
Aska搞跳舞快閃。
為咗答謝大家嘅支持，Aska就特意進行快閃跳舞活動，吸引咗唔少途人影相，期間仲有人把握機會搵佢簽名同影合照，而途人亦有趁機鼓勵佢叫佢繼續加油。
吸引到唔少人圍觀影相。
之前Aska嘅fans整咗架應援電車「Dirty Rhythm 號」，呢日Aska就專登去到屈地街電車廠，喺「Dirty Rhythm 號」前同舞蹈員一齊跳舞，仲拍低做福利送畀一眾鬆弛豪，以答謝大家嘅支持，Aska表示：「在拍攝電視劇《青春本我》時，曾和其他男歌手演員一起在街上快閃過，每次快閃的感覺也很正，而今天拍攝時天公造美，可以拍出最好的畫面送給歌迷。」
Aska喺應援電車前拍片派福利畀fans。
Aska又再次多謝大家對佢呢首歌嘅喜愛，同時又表示自己已經又寫緊新歌：「會保留一些可以令大家身體擺動的節奏外，也在探索如何放入一些新元素，希望大家會繼續支持我即將推出的新作。」