Yumi韓國短期進修學舞圓夢 IG拍片小騷成果青春爆燈

Yumi鍾柔美 係今年應屆DSE考生，而經過呢個學生必經嘅階段之後，佢就隨即去咗韓國放鬆，更一圓心願去到夢想嘅舞蹈室學舞，仲順道喺當地小旅行好好獎勵自己，又換上韓服遊覽，同平時嘅Yumi有非常唔同嘅味道。

一向對跳舞都有濃裂興趣嘅Yumi，呢日就喺社交平台出Post，分享自己近日沉迷韓國女團ILLIT ，仲即場跳返段佢哋嘅《Magnetic 》，一條短裙仔加埋可愛妝容，真係青春爆燈。

早前有指聲夢三小花嚟緊7月就會同台演出，相信Yumi同一樣考完文憑試嘅Windy詹天文，仲有Chantel 姚焯菲 合體，相信會為大家帶來全新面貌呀。