黃曉明公開認愛網紅葉珂 跟Angelababy離婚2年展開新戀情

黃曉明與Angelababy（楊穎）喺2022年離婚，同年5月就爆出曉明暗交網紅葉珂，二人一直未有公開回應，直至今日黃曉明喺社交平台首次正式認愛：「抱歉佔用公共資源，大家別猜啦，我們在一起了。」

曉明喺日前中秋節大曬與家人及阿仔小海綿慶祝佳節嘅溫馨合照，當時網民問係咪葉珂幫忙拍照，有另一網民就話：「怎麼可能讓她見家人。」其後有一位疑似閨蜜為葉珂「出頭」，留言反擊「已婚，不在一起過節難道跟你過節」。

恰巧葉珂日前亦喺社交平台大曬巨鑽疑似訂婚戒指，如今黃曉明亦親自證實與葉珂嘅關係，睇嚟二人感情相當穩定！