鄧卓殷曝婚禮明年中舉行佛系籌備 魏浚笙隱藏乒乓高手電台比賽大勝

2月接受男友 郭子豪 郵輪 浪漫求婚嘅 鄧卓殷 ，近日不斷同Arnold周圍飛影婚紗相，呢日Amber終於喺香港出席活動，仲正式透露婚禮明年中先會舉行，不過好多細節都尚未有定案，仲話自己同Arnold都非常佛系，所以一切都慢慢揀慢慢決定喎。

準新娘又話希望享受整個過程，所以都有搵唔同朋友幫手，避免因為籌備婚禮而鬧交咁話呀。呢日靚仔 魏浚笙 亦係嘉賓之一，近日正密密練習功夫拍新片嘅佢，早前參與電台乒乓球賽時，仲同才子 林家謙 練習，仲大讚對方同其他參與歌手球技呀。