異空感應｜魯振順駕車自炒血流披面 陳家樂情緒激動發揮演技

魯振順喺新劇《異空感應》第3集中，因為被兒子陳家樂Carlos揭發佢惡行，一怒之下駕車自炒搞到佢血流披面重傷，身為阿仔嘅家樂見到即刻傾盡全力拉魯振順出路邊傷心欲絕，拍攝呢場戲當日魯振順都有解釋返點解會遇上呢場嚴重車禍。

魯振順炒車。陳家樂抱住魯振順痛哭。

飾演警察嘅陳曉華Hera揸車載住家樂追上先及時發現車禍，喺劇中Hera好多打鬥驚險場面，連車手都要兼顧埋，講到佢嘅駕駛技術，做乘客嘅家樂就笑言想嘔，更踢爆Hera係位好辣嘅女車手，叫大家小心。不過Hera就話自己係安全駕駛者，從未被影過快相。

阮浩棕喺劇中被綁架。

喺呢幕車禍場面發生前，家樂同阮浩棕Nicholas因為魯振順涉官商勾結而被綁架，兩人逃脫期間浩棕及時同家樂移形換影令對方脫險，最後浩棕喺山邊被營救，拍攝呢幕戲時佢仲唔小心擦傷手。而Hera經過呢次搜救家樂同浩棕之後，就對兩位認識加深改觀，大家嘅距離拉近。