異空感應丨陳家樂遭通緝犯搶呔險變真炒車 陳曉華飛車查案獲封女車神

陳家樂喺TVB新劇《異空感應》第四集講佢面對爸爸慘遭毒手而死，為咗揭發真相搵出幕後黑手，家樂欲將罪證交畀警方，點知遇上通緝犯陳少邦攔途截劫，二人爭奪罪證，最終搞到炒車起火！

陳曉華救出炒車嘅陳家樂。

陳曉華及時趕到救出家樂，呢幕咁驚險嘅飛車場口，家樂被陳少邦好大力搶呔，差啲變成真炒車險撞石壆，家樂馬上急剎車，整個鏡頭感覺好真實，而陳曉華喺劇中亦不時要飛車查案，佢獲家樂封為女車神，第一日拍窄路調頭，已令工作人員心心眼，陳曉華笑指自己揸車安全至上。