鄧萃雯參加內地唱跳節目人氣翻倍 收工因一舉動被指疑似耍大牌

鄧萃雯 近年長駐內地拍劇，更因為過往拍過唔少經典作品而人氣高企大受歡迎，有唔少劇迷一直期待佢再拍《巾幗梟雄》系列，而《巾幗梟雄之懸崖》開拍前亦傳雯女會加入劇組嘅消息，可惜最後未如大家所願。

雯女喺內地唔只忙於拍劇，更不時拍攝綜藝節目，近期佢更成為女星唱跳節目《乘風破浪的姐姐》第6季參賽者之一，人氣更因節目而再登高峯。不過最近就有人指，雯女離開錄影廠時表現冷漠，未有理會在場粉絲提出嘅合照要求，認為佢耍大牌。但真相其實係拍攝當日，當地天氣嚴寒，即使雯女著住大褸都凍到震震下，雖然冇同粉絲有太多互動，但係佢都有禮貌揮手微笑，絕無耍大牌之嫌。