古淖文《中聲2》奪冠一週年紀念舉行展覽 古粉將拍賣展品捐予惜食堂作食物援助

古淖文（German）近日忙於為《中年好聲音2》奪冠後嘅第一首作品《Follow Me》派台，German一向深受古粉愛戴，除咗為German新歌MV喺銅鑼灣一個大型商場螢幕搞應援宣傳活動之外，一班古粉仲為佢於銅鑼灣舉行以「古淖文演藝之路」為主題嘅奪冠一週年紀念展。

古粉為咗慶祝German喺《中年好聲音2》奪冠一週年紀念，開「古淖文演藝之路」小型展覽，喺銅鑼灣耀華街一間應援cafe於3月23至30日舉行，古粉們喺上周日晚上出席Opening Cocktail Party ，一齊開心歡聚！

而展覽嘅所有紀念展品一律以慈善拍賣將不扣除任何成本，全數將捐予惜食堂作食物援助。古粉們將於4月30日當日去惜食堂參與飯盒製作義務工作，致力為German慈善應援。