直播靈接觸丨肥媽故事拯救煒烈一命 梁思浩成後輩學習榜樣

梁思浩 主持嘅直播靈異節目《直播靈接觸》第二季圓滿結束，最後一集請嚟 肥媽Maria Cordero 擔任嘉賓，同大家分享靈異經歷之外，亦講咗一個以生命影響生命嘅故事，拯救咗甘草演員煒烈一命。

《直播靈接觸》節目重溫

思浩話煒烈喪妻後變成行屍走肉，完全無靈魂同唔返工，思浩就借肥媽一直覺得老公雖然離開，但仍然感覺到喺身邊嘅事例，嚟令煒烈明白逝者都唔想在世者為自己太傷心，肥媽聞言後都話唔知道自己嘅故事勉勵咗煒烈。

節目創下82台歷年最高收視，肥媽笑言自己有份做評審嘅《中年好聲音》都係收視保證，佢哋笑言係「收視兩母子」。至於會否有第三季，思浩冇正面回答，但係肥媽就話有，佢仲話自己嘅預感好準。

黃紫恩、黃耀英、湯之欣同黃瀅仴喺思浩身上獲益良多，瀅仴指喺對方身上學到待人處事，之欣就話自己中文進步唔少，而耀英就話學到大方，因為思浩成日請大家食飯。思浩就解釋有福氣請大家食飯，咁自己先會食到四方飯呀。