姚焯菲 鍾柔美初披嫁衣拍MV 期待未來挑戰新曲風出合唱歌

Chantel姚焯菲、Yumi鍾柔美日前披上嫁衣，為佢哋合作嘅翻唱歌曲《女神》拍攝MV。初次著上婚紗，兩位少女都感覺好新鮮，亦非常緊張拍攝效果，所以每次一停機就會去睇下拍得靚唔靚。

Yumi仲話呢次著婚紗係好特別嘅體驗，而Chantel就話呢次佢哋會以婚紗Look拍MV，係想展現女性自身嘅美，大家都係自己嘅女神。

Chantel、Yumi雖然由《聲夢傳奇》比賽已經相識，不過講到合唱呢次都係第一次。經過呢次合唱後，佢地都想再出合唱歌，Chantel提議一齊嘗試唱Rap，Yumi都覺得呢個主意可以一試，期待未來真係可以同Chantel一齊挑戰新曲風。