電影市道低迷戲院相繼結業 黃修平率團隊最後一夜謝票

香港電影市道進入冰河時期，多間戲院相繼結業，其中營運咗16年嘅嘉禾黃埔，因為租約期滿，將於本月10號起結束營業。而喺旺角嘅新寶戲院，亦於上月嘅31號結業。黃修平導演捉緊戲院結業前夕，帶領新戲嘅演員游學修、吳祉昊等喺旺角戲院舉行謝票場。

面對䇄立豉油街41年嘅地標消失，黃導都有無限嘅感慨，因為自己喺呢間戲院睇過無數電影，而特別之處係呢間戲院係地舖，唔需要行入商場。見到一間咁有特式嘅戲院結業，佢都覺得係不無可惜。

黃導覺得冰河時期唔只係電影業，而係各行各業，所以只可以做好自己。阿修喺呢間戲院都有唔少回憶，佢自爆帶過女仔嚟睇戲。另外，佢又覺得有好多嘢都有結束嘅時候，但每樣嘢結束就有另一樣嘢開始。新戲票房令人安慰，上映近個半月，票房經已破千萬，兼且收獲好評，令團隊非常鼓舞，不過黃導話反而緊張作品能夠令到幾多觀眾去討論同關注。