任賢齊返港任JJ啟德尾場嘉賓 林俊傑憶述15歲時見巨星風采

JJ林俊傑 一連兩場啟德主場館演唱會，喺近8萬名觀眾見證下圓滿結束，JJ騷後特別感謝入場觀眾嘅熱情，大家嘅溫馨大合唱、傾情地隨音樂起伏，令啟德主場館首演圓滿成功。尾場嘉賓就邀請到一位極具份量嘅人物，當年睇住JJ出道嘅任賢齊。小齊出台即笑說：「其實跟JJ同台壓力很大，JJ還為了我降低了一下Key，謝謝你！」

二人合唱獻唱《江南》，JJ特別感激小齊哥毫不猶豫飛奔返港，佢話「瞬間浮現了15歲那年第一次見到他的畫面，生平第一次參加歌唱比賽的我，仰望著當時是評審也是表演嘉賓的任賢齊，巨星風采簡直太強大了。謝謝您為FINAL LAP的舞台增添了溫情與歡樂！」

至於頭場嘉賓，JJ就邀請咗MC張天賦，佢哋合唱《記憶綿》，JJ期間仲不時為MC和唱，為全晚演出掀起高潮。