生田斗真向李小龍借鏡 廣告中大耍快速拳腳功夫

日本影星 生田斗 真以一身唐裝現身錄影廠，喺全新嘅廣告中大耍中國功夫，現場嘅佈景同拍攝出嚟嘅感覺，畀人一種以往嘅港產片嘅味道，生田斗真拍攝前仲參考唔少李小龍同成龍嘅功夫片。

今次嘅拍攝過程，生田斗真話勾起拍動作電影嘅回憶，佢話拍動作戲時，同對手仲有工作人員嘅合拍性好重要，而今次拍攝就重拾呢種感覺，成個場景更令人有走入功夫世界感覺。以往較多係做出較大打鬥動作或者係跳躍，而今次係着重緊密嘅拳腳動作，要有速度感。

現年40歲嘅生田斗真，仍然保持童顏，秘訣係勤做運動，而佢推介畀大家嘅動作係深蹲，佢話當然想練到強勁嘅胸肌同手臂，但深蹲可以較全面同加強下用身肌肉。佢話若果有段時間冇做運動，就會好唔慣，好掛住做運動流汗感覺。