馬天佑帶新歌闖內地巡迴 一口氣狂唱廿首作品好友力撐

馬天佑 日前於廣州舉行巡迴演唱會首站，大批廣州同專程由香港到當地嘅Fans到場支持外，吳千語 羅天宇 及 陳懿德 等圈中好友都有到當地欣賞。今次演出係Mayao首次衝出香港，將個人音樂帶到內地舞台，呢日佢更一口氣為現場觀眾演繹20首個人作品。

Mayao仲話今次係第一次將自己作品完整於舞台上呈現，又分享佢15年前踏入樂壇以來嘅點滴：「希望用呢場演唱會講一個完整故事，等大家見到我嘅成長同蛻變。」呢日佢仲邀請已久未公開露面嘅 趙頌茹 擔任嘉賓，阿Yu同Mayao合唱《大孩子》之後又演唱《發奮》。兩人早於年前Mayao嘅演唱會首次合作，今次再度同台默契十足。

而熱播嘅Mayao歌曲《我們什麼都不是》MV男主角 張馳豪 亦驚喜登場，同Mayao合唱經典情歌《你那麼愛她》，Aska之後又跳唱表演《Catch A Feeling》。