金曲歌王林俊傑首度進軍台北大巨蛋連開兩場演唱會，台灣係JJ歌唱生涯嘅起點，所以次次返台灣開騷佢都特別賣力，無論快歌定慢歌都駕馭自如，展現「行走CD」嘅實力。
JJ喺台上分享首度踏上大巨蛋舞台嘅心情，「我覺得是最值得珍惜的一刻，也是最值得慶祝的一刻。」佢話台灣係自己出道嘅地方，所以要特別感謝一路陪伴佢嘅歌迷。
JJ嘅大巨蛋騷吸引包括林志穎、王仁甫同季芹夫婦等圈中人到場支持。小志話自己其實都有個大巨蛋夢，尤其上次周杰倫開騷，佢趁空檔企上舞台感受下氣氛，當下心情非常感動，所以自己都默默許下心願，希望有日都可以企上大巨蛋開騷。
