與反町隆史夫妻檔再拍廣告 松嶋菜菜子大讚老公魅力不減

日本明星夫妻檔 反町隆史 同 松嶋菜菜子 喺2023年首次合體為一個護膚品牌拍廣告，當年惹嚟極大迴響。相隔兩年兩人再次合作新廣告，令唔少粉絲既驚喜又期待。廣告中菜菜子仲親自揸機，捕捉老公型英帥嘅鏡頭，見慣大場面嘅反町竟然話有啲緊張，因為佢話平時好少呢種機會，但佢話好開心太太拍出佢自然真實嘅一面。

反町同菜菜子結婚已24年，婚後一直恩愛如昔，而喺菜菜子眼中，老公仍然係咁有魅力同吸引力，佢話反町好識得放鬆自己享受工作，而佢所累積嘅經驗，亦成就咗佢而家嘅自信同魅力，佢仲話老公平時亦都好勤力護膚添。