夏韶聲Danny Summer 嘅紅館演唱會舉行在即，連日跟佢嘅團隊落力排練，呢次Danny邀請師父竹田和夫及樂隊Super Band同台演出。
Danny與師父十幾年冇見，二人聚頭就一見如故，佢哋除咗講音樂之外，Danny仲準備咗香港地道美食嘅雞尾包同蛋撻，慰勞師父同一班團隊。Danny同師父多年嚟只講音樂，話師父只係大佢半年，大家生肖屬龍傾得埋，二人上次Jam歌已係2009年嗰陣。
Danny過度練結他，令手腕受傷，加上腰患復發，Danny話會全力以赴，將最好嘅演出帶畀樂迷，Danny仲話往事唔會亂講嘢，但係今次邀請彭健新做嘉賓就有啲唔同，Danny爆彭健新事前想傾吓到時講啲咩，但佢覺得要臨場發揮。
Danny指今次專登搵彭健新，係因為彭健新喺木人巷年代出嚟，有啲歌唔係人人彈得好，但彭健新真係彈到呢啲歌，所以Danny一早mark住彭健新。
