近日被指因重病入院留醫ICU嘅前亞視執行董事 盛品儒 離世，終年48歲。
其妻蔡一鳳回覆傳媒查詣時證實消息，指丈夫6月確診肝癌，病情急轉直下，之後一直留醫ICU抗戰，可惜藥石無靈，盛品儒凌晨零時於養和醫院病逝。蔡一鳳公佈死訊時指丈夫帶笑離世，沒有痛苦，安詳而去。「致各位親友 我們的光 盛品儒 James Shing 已於2025年8月18日00:37分，在香港養和醫院家人懷抱中安然歸息，終年四十八載。 辭世時唇角含笑，眉目舒展，如憩雲端，未染塵痛。」
盛品儒1976年12月於上海出生，2歲時因父親事業發展，隨家人移居香港。佢嘅曾祖父盛宣懷清末時為內地首富可謂叱咤風雲，而父親盛毓鳳從事地產生意，於上海同香港經營高級餐館，如上海嘅「留園雅敘」就係家族產業。
盛品儒14歲赴笈加拿大，後學成返港，初期任職銀行。之後轉投IT行業。2010年衫被任命為亞洲電視執行董事。到2013年通訊事務管理局要求亞視終止盛品儒嘅職務同董事身份，認為時任老闆王征(盛品儒堂兄)干預亞視日常運作，違反承諾，而盛品儒亦被指未履行好職務。同年9月1日，亞視宣布盛品儒辭職，佢亦成為香港電視史首名被政府勒令撤職嘅人。
佢感情生活方面亦多姿多彩，曾同亞洲小姐冠軍呂晶晶相戀愛，又曾同1995年港姐陳霽平發展過「姊弟戀」，陳霽平曾大方承認。
2014年11月，盛品儒同蔡一鳳註冊結婚，隔年10月嘅婚宴大排筵席，婚後兩人育有一對現年7歲嘅龍鳳胎。身為名媛嘅蔡一鳳家族，據指海外有數十億資產，佢本人都係多家公司嘅主席。
盛品儒日前被指患重病留醫ICU，更未能回應家人蔡一鳳曾喺社交平台指丈夫情況有改善，豈料突然傳出佢病逝嘅消息。
