型男演員 呂頌賢 雖已年屆59歲，近年事方業重心專注內地發展嘅佢依舊有型男人味十足，而近日其妻 麥景婷 突然公佈老公早前肺部受細菌感染而留醫ICU長達兩星期，更疑老公病情嚴重涉及醫療失當，佢於社交平台寫道：「驚濤駭浪」的2個多月，生死就在一瞬間！感恩所有護持的，關心的和幫忙的!!!
《吕頌賢 落機—急症室—負壓病房—出院（醫療失當）—急症室—深切治療部（危殆）—隔離病房—回家靜養—鍛鍊中….》衷心勸喻每一位朋友，切記不要忙壞了身體啊！
雖然未有詳細提及病情，不過文中嘅Hashtag就指出當時呂頌賢肺部受細菌感染，亦未有明顯病徵，但細菌破壞力極強之餘潛伏期亦長。當時更已擴散至多個器官，最後致需留醫ICU 14日，更指老公呢次染病消瘦咗差唔多40磅，佢又轉述醫護人員指呢次個案罕見同嚴重。
當年《笑傲江湖》 中扮演 令狐沖 嘅 呂頌賢，亦於同一帖文下回應多謝各界關心，佢寫道：「多謝大家關心，其實我整個過程我都在昏迷中，並沒甚麽感覺！只是辛苦身邊的人，為我難過擔心啦！不過這次真的知道了甚麽叫死過返生大家真的在忙碌中都要照顧好自己身體啊。」
