陳家樂愛女陳星頤（Camila）踏入1歲，家樂每次講起女兒Camila都特別冧，日前佢同阿女及連詩雅（Shiga）現身其所屬公司舉辦嘅藝人及同事生日會，而七、八、九月生日之星有歐陽震華、周家怡等，而出席賀壽星嘅藝人包括鄧小巧、楊天宇（Angus）、海兒（Hedy）及洪助昇（Aiden）等。
當中全場最搶Fo就係家樂愛女Camila，呢位「七月BB」第一次參加呢個生日聚會，眼仔碌碌四圍望，對住閃閃氣球顯得超好奇，可愛程度秒殺全場。她不單止成為眾人焦點，連楊受成都忍唔住走過去撩佢玩，仲立刻封咗大利是畀Camila，寓意福氣滿滿！Camila即時「回禮」錫咗楊受成一啖。
同樣係壽星嘅歐陽震華及家怡繼續發揮搞笑本色，同大家打成一片玩selfie，至於歐陽震華生日願望就係希望世界和平，人人身體健康，日日開開心心，而家怡同樣希望世望世界和平，「經濟好啲，人人有工開，身心健康」。
