歷經同前公司多年纏訟嘅 江若琳 相隔足足8年之後早前終於再次以歌手身份舉行音樂會，大批圈中朋友好似谷祖琳 周慧敏 方力申 唐詩詠 余慕蓮 現身捧場，一眾歌迷更非常熱情應援。
Elaine早早操練十多分鐘唱跳串燒，更見佢露腰大騷馬甲線，事後佢更形容自己呢段演出係一次壯舉，仲指自己一早就已向自己許下承諾要跳到最好，雖然當中有少少甩漏，不過總算合格完成咁話。
呢晚演出Elaine邀請RubberBand嘅6號擔任嘉賓，兩人又合唱改編後嘅Crossover名作。而呢日佢亦即場向低潮時非常支持自己嘅朋友感謝，仲即場向當時伸出援手嘅阿Bob提議投資下次演唱會，仲有非常支持自己嘅前輩周慧敏，場面既搞笑又感動。
除咗舊年之外，Elaine亦即場獻唱由 J.Arie 創作嘅新歌。佢事後訪問時，仲話囝囝近日病倒，好在最後一刻由老公Oscar陪住現身捧媽咪場，Elaine見到最愛現身，更指幾辛苦都值得，直情係無憾咁話呀。