黃又南愛車成性考入巴士公司做車長 未放棄演藝工作坦承曾當年冇工開

黃又南 近年潛心落力經營同汽車有關嘅網上頻道，早前更密密考唔同種類車牌，最近更親自投考巴士公司車長，呢日佢現身活動時，就指自己並非玩玩吓，合格後曾真正投入服務市民，駕駛整整一班時間接載乘客。

又南仲指當日唔少乘客都要求合照，令佢非常有使命感呀。早已考得公共小巴、巴士、貨車等執照嘅佢，就指雖然周身刀，加上娛樂圈市道非常麻麻，曾半年冇工開嘅佢就仍然堅守，佢指仍有3部新作為尚未推出，其中一部仲係同新一代男神 許光漢 合作，更大讚監製 張艾嘉 嘅細緻同專業呀。