近年廣東歌再掀起熱潮，唔DJ少人將8、90年代嘅經典金曲、Y2K嘅熱播歌重新Remix喺party上播，除引嚟大批Cantopop迷熱捧外，仲吸引到唔少名人紅星到場。好似「節拍星期五」喺30舉行嘅Cantonpop Party咁，就吸引到 關智斌（Kenny）同 何珮瑜（Jeana）神秘現身，令現場觀眾即時陷入瘋狂狀！
見到Kenny到場，主腦人波盛即刻送出對方嘅專屬Medley，當中有《眼紅館》、《La La世界》及《死性不改》等，令在場眾人瞬即陷入回憶殺，開啟全場大合唱模式，更瘋狂嘅係，當播到《死性不改》時，觀眾們唔只跟住唱，仲連Twins嘅經典獨白部分，都一字不漏咁講埋出嚟，場面相當震撼。
身為原唱者嘅Kenny表示自己係第一次參加Cantonpop Party：「之前一直聽講過『節拍星期五』好Hit，但係工作忙冇時間嚟。最近佢哋知我就嚟開演唱會，就整咗個Kenny Medley，咁點可以唔嚟玩吓？」Kenny話見到大家聽廣東歌聽到咁high，每首歌都可以跟住唱跟住跳，證明大家都好鍾意廣東歌，Kenny又指由於大家興奮，所以最後encore咗《死性不改》同《La La世界》，之後大會又播咗《活著Viva》同Twins嘅歌，令現場成為一個大型K房咁。
