楊秀惠淡出幕前工作後，就轉型從商開拓美容生意，變身成商界女強人同時，亦能悉心照顧兩女一子，可謂家庭事業兩得意。即使絕跡娛樂圈，秀惠亦跟圈中人保持密切聯絡。
喺暑假結束前夕，佢就同好友陳茵媺一齊暫時放下家中嘅仔女，雙雙約會享受Girl Talk時間，而呢次約會更係Aimee為秀惠補祝生日。秀惠喺社交平台分享兩人約會相片，見到Aimee好有心思準備花同蛋糕，令壽星女感受到滿滿嘅愛，佢更笑言這是兩人相聚嘅絕佳藉口。
秀惠好感謝有一個咁美好嘅時刻，擁有一位咁好嘅朋友，仲自爆兩人傾偈傾到成為餐廳最後一人，可想而知佢哋幾享受呢個暑假結束前嘅聚會。