Chantel 姚焯菲日前正式啟程遠赴美國紐約，踏足一個佢首次去嘅國家同城市。抱住既期待又興奮嘅心情迎接未來幾年嘅大學生活，Chantel以「開學大吉」為題出帖文，紀錄自己初到貴境嘅畫面。
戴住黑超喺紐約街頭逛街嘅Chantel，充滿女性時代感，佢喺紐約著名打卡點留倩影。Chantel未來四年將會喺全球排名第16位嘅著名學府紐約大學，修讀Music Business課程，正如Chantel之前所言，佢好期待喺當地認識嘅知名製作人，喺大家身上學習。
另外，李克勤嘅大仔李立仁同樣獲紐約大學藝術學院取錄，修讀電影電視學系，成為著名導演李安嘅師弟。