周慧敏（Vivian）、阿牛、品冠、辛曉琪、陳明真、張洪量、裘海正同飛兒樂團等齊集上海一個音樂盛典。Vivian為表誠意即場以上海話跟大家打招呼，佢又話早前收睇劇集《繁花》，覺得好好睇，決定要睇埋上海話版本。
57歲Vivian貴為一代「玉女獎門人」，仍然保養得宜，氣質滿滿，佢話心境就係最好嘅保養品，因為本身性格易於滿足同帶點童真。辛曉琪喺盛會上獻唱經典金曲《味道》，依然會被歌曲所感動，被全場觀眾嘅歌聲而感動，差啲淚崩台上。
張洪量26年前一曲關於自己初戀嘅作品《妳知道我在等妳嗎？》紅透半邊天，再演繹成名作，佢直認感到百感交集，因為每次重回當刻嘅情感同回憶。張洪量當咗廿多年牙醫，現時已經退休，佢透露重投30、40年前，未有完成嘅音樂創作，寫一啲重金屬同嘻哈類型音樂作品。
