周吉佩 近日同太太 黃彥欣 一齊飛到加拿大，將為三個華人聚居嘅城市舉行演出預祝中秋。剛抵達嘅佢，就同老婆約埋曾參選2007年香港小姐競選嘅老友聚舊喇。
吉吉分享嘅相片，見到佢演出之前跟住老婆，同已回流溫哥華嘅當年冠軍 張嘉兒 、季軍 周美欣 更帶同約1歲嘅囡囡同老公Carson一齊參與聚會，仲有當年以海外佳麗身份返港參與嘅 梁詠詩 一齊見面。
之後4位當年佳麗又再頭貼頭合照，相信一定大講當年雞啄唔斷喇，其實Lorretta早前先帶埋BB返港，與當時正待產嘅王君馨 李潔瑩 鄭瑩瑩 趙希洛 等同屆佳麗見面，友情保持足足18年，非常親密。
而吉吉今次楓葉國之行，除咗當地時間星期日下午於溫哥華嘅顆出之外，30號將轉往卡加利、2號則將喺東岸嘅多倫多演出，一次走勻加國幾大城市，為當地華人演出呀。