新劇《巨塔之后》第2集劇情，講述 吳若希 同 劉佩玥 與繼女到樹林尋找遇飛機意外失聯嘅老公同囝囝，Jinny同阿Moon先後演技爆發，喺暴雨下痛哭認屍畫面令觀眾動容。
拍攝當日嘅鏡頭以外，Jinny心情都較為輕鬆，坐埋一邊等埋位時，突然仰天高呼「可唔可以賜我一個精壯嘅男人」，即時令身邊正投入喪子之痛情緒嘅阿Moon爆笑。
正如Jinny所講，要投入呢幕樹林尋夫戲，好彩有總監製鍾澍佳悉心講解，令佢更易掌握。而阿Moon除咗自己戲份之外，仲幫手同現場外藉演員排戲，解決言語溝通問題。
《巨塔之后》星期一至五 20:30 翡翠台