周柏豪現身杭州出席見面會 獲粉絲安排巨型應援打卡公仔

周柏豪 一直都珍惜同粉絲見面互動機會，早前佢就去到杭州，出席粉絲見面會，同數千名粉絲共度難忘一夜。偶像難得到訪，當地粉絲亦花盡心思為柏豪安排應援宣傳，既有露天大屏幕廣告，亦有巨型公仔等多款不同設計嘅打卡位。

為咗報答粉絲嘅支持，柏豪特意抽空到打卡站拍照，更放上社交媒體留念。眼見大家嘅愛戴，柏豪話無論係邊一類型嘅應援，都感受到粉絲支持自己嘅心思，當中感動更超越筆墨所能形容，所以佢承諾要將每處嘅粉絲見面會同所有工作做到最好，藉此答謝大家對佢嘅愛護同支持。