楊思琦 呢日作客 薛家燕 主持嘅電台節目，家燕姐話已經兩、三年冇見過對方，知道對方出新歌，當然要邀請佢嚟傾吓偈，加上新歌嘅歌名《三個人的愛情太擁擠》，令家燕姐聯想到唔通思琦講緊自己嘅故事？呢日思琦就解答家燕姐嘅疑問，指新歌係講朋友嘅故事，佢又話對上一首推出嘅歌先係講自己嘅故事。
家燕姐話聽完思琦首新歌，覺得對方越唱越好，佢又指應該係歸功思琦喺直播平台，因為觀眾點唱嘅要求即點即唱，所以令佢嘅歌聲越唱越好。
思琦一直未有公開囝囝嘅生父係邊個，家燕姐就坦言有問過對方，仲話思琦承諾呢個秘密會遲啲話佢知。至於講到中秋節嘅安排，思琦就話中秋前自己都會喺內地工作，所以希望可以趕到返港同家人食飯，而家燕姐就表示自己要到馬來西亞工作，故希望中秋前可以返港人月兩團圓。
