熱播劇《巨塔之后》隨住 鍾鎮濤 飾演嘅明塱集團主席王進濤離世，呢場豪門爭鬥正式展開，兩大千金「王啟澄」 蔣家旻 及「王啟心」 陳楨怡 率先出招，對付啱啱嫁入王家嘅 宣萱 。
蔣家旻 為咗揣摩王家大小姐嘅角色，落咗唔少苦功，佢話呢套劇好多女人勾心鬥角，大家嘅角色盡量唔呈現最真實嘅一面，自己對住劇中嘅老公「彭建邦」 張頴康 又係另一態度，笑指自己喺劇中好孤獨，好在有一個男人陪，更難得見到張頴康認真一面。
蔣家旻喺劇中不時被張頴康古靈精怪，搞到佢表情失控，今次劇組長駐喺佛山拍攝，張頴康笑談極速洗衫妙法，蔣家旻讚佢慳水慳力。
