GM曾展望近期人氣爆燈，呢日去商店做一日店長，大批粉絲到場舉起GM同女友葉蒨文（Sophie）嘅應援牌支持，不斷大嗌GM好靚仔，粉絲嘅愛絕對係GM最大嘅動力，令佢近排工作源源不絕。
GM將喺新節目挑戰歌藝，自爆每日唱歌冧女友Sophie，有時揀歌嚟唱都問女友意見，要Sophie做第一個觀眾。10月27號係Sophie三十三歲生日，GM同Sophie首次以情侶身份過生日，GM亦承諾為女友炮製驚喜，但係呢刻希望保持神秘感。
《女神配對計劃》大受歡迎，節目告一段落隨即傳出開拍第二季，GM大派貼士畀未來嘅求愛勇者，話正所謂「一膽二力三功夫」，必定係要放膽出擊，並唔需要太多取悅技巧，要用真心去打動女神！
