劉威煌、顏志恒、安雅希及陳俞霏呢四位中聲唱將聯合喺戲院開騷，首度喺呢個場地演出，佢哋大讚同觀眾嘅距離好近，落台跟歌迷互動氣氛澎湃，安雅希悉心打扮，露背露腰大騷瘦身成果。
呢晚中聲家族出動捧場，羅啟豪笑言無啦啦被顏志恒邀請合唱，顏志恒話自己除咗染一頭紅髮，仲話自己由頭紅到落底底，譚輝智即場話要fact check ，拉開顏志恒啲衫。
曾參與《超級巨聲》嘅劉威煌，聽到同屬「巨星幫」嘅林欣彤（Mag）早前喺英國開直播求救，情緒非常激動，劉威煌指希望各界給予空間，等阿Mag靜養，等阿Mag之後出嚟講，佢唔可以代阿Mag講任何嘢。
