由兩男一女組成嘅全新唱作組合FYP，成員包括主音Emiko（徐嘉蔚）、結他手Billy Long，鼓手兼隊長霍金。三人於大學時期認識，曾一齊表演及Busking，後來Emiko以獨立歌手發展時，三人都形影不離，喺背後肩負作曲、編曲、監製等崗位。
作為2025年嘅唱作組合，FYP嘅出道作〈星辰燃燒之時〉，係柔合熱愛演奏搖滾音樂嘅隊長霍金，所自學嘅鼓技，以及Emiko喜愛嘅J-Rock與中樂兩大元素，所創作出中日流行交匯嘅搖滾歌曲。
新歌係一首關於世界末日嘅歌曲，導演為咗營造末世感覺，特別選擇於八鄉廢車場拍攝，而佢哋喺MV中所穿着嘅服裝，更係喺日本嘅古著店選購而嚟。
MV入面Emiko要着住一對20CM高嘅木屐嘅玩火把，由於火把好重，加上著住長袍嘅佢要不停轉，令Emiko盡得相當論盡，佢自嘲姿體動作向來差，所以呢次對佢嚟講好得挑戰性。除咗玩火外，MV中Emiko仲要玩電子古箏，佢笑言由於彈古箏時要配合燈光，畫面就猶如祭壇一樣，令佢覺得自己超型。
新歌嘅創作源於Billy Long一次講起末世嘅話題，佢指如果末日真係來臨，大家又應以咩心態去面對？有人會覺得驚，亦有人覺得把握時間抱緊身邊所愛，就係因為咁隊長霍金結集隊員對末日嘅想像，創作出〈星辰燃燒之時〉嘅旋律，而對末日議題感興趣嘅Emiko，就聯同友人何煦仁一同譜上歌詞。FYP感恩可以邀請到T-Ma監製佢哋嘅出道作外，更邀請到日本編曲人 Akitsugu Fukushima合作，成為佢哋嘅強心針。
