陳健安 日前現身影樓，為明年1月舉行嘅戶外騷拍攝宣傳海報，相隔年多再踏上舞台，安仔參與構思今次演唱會嘅主題同概念，佢話：「今次演唱會叫『時的狀態』，我會喺演唱會中控制大家嘅時間。大家忘記晒所有嘢，跟住我嘅節奏、我嘅音樂，忘記各自嘅身份，唔係老闆、唔係員工、唔係媽咪、唔係男朋友、唔係女朋友⋯⋯乜都唔係，全部都係我嘅族人。一齊嚟到我嘅party，放低所有時間、年齡，等我帶領大家一齊享受整個音樂旅程。」
宣傳海報中，安仔着上大地色嘅西裝，喺舖咗沙粒嘅「沙漏」場景拍攝，意寓佢就係「沙漏」入面嘅「沙」，亦即係「時間」。踏足戶外場地開騷，佢期待今次能夠同觀眾享受由黃昏到日落嘅音樂世界。
