社交平台不時都會有唔少當年舊事成為熱門話題，近日 由 羅家英 同 汪明荃 早於1995年推出嘅唱片合輯《荃情陷家英》，碟名就因為似吹足俗語又食字食到正兩人感情事，而成為話題喇。
家英哥除咗當年電影中一首《Only You》唱到入晒腦，當年嘅呢張唱片中，亦翻唱多首歌曲，好似《舊歡如夢》、《夢中人》、《激光中 》等，部份歌詞亦有改動。而Liza姐就分別獻唱《Pink Lady》、《今日的我》同《傾城之戀》等歌曲喇。
家英哥同Liza姐1989年已相戀，直到2009年正式於拉斯維加斯註冊成婚，多年來相濡以沫，非常恩愛。雖然兩人於影視戲曲圈地位祟高，不過亦一樣可以認真地幽默搞笑，為大家帶來輕鬆時光。
近日阿姐正於戲曲中心大劇院，為福陞粵劇團演出《戰宛城》，今晚起亦會同家英哥一齊重演《大鼻子情聖》。
