羅子溢、陳曉華、何廣沛、郭柏妍、陳浚霆、羅天宇、陳星妤等一眾台慶劇《金式森林》演員，呢日換上連動裝打pickleball，陳浚霆同羅天字仲各自孭起劇中CP對壘，而子溢就展現手臂肌肉，公主抱抱起陳曉華影相。
活動上監製林志華公佈，劇集喺內地社交平台相關話題曝光量超過7.5億，開播後喺影音平台連續16日登頂權謀劇榜第一位，而香港社交平台瀏覽量超過三千萬，令到眾人都感到相當鼓舞。
重溫《金式森林》家族情仇
劇集進入白熱化階段，陳曉華同子溢嘅關係仲有微妙變化，子溢就話呢個係當初佢同陳曉華設計嘅位，佢指人要有愛，先可以喺冇利益下再繼續去無條件咁幫對方，而嚟緊子溢喺劇中將會被追殺，佢笑言到時會上演美人救英雄嘅一幕。
何廣沛同陳浚霆呢對兄弟喺劇中勢成水火，有幕兩人喺郵艇上嘅爭執戲，佢哋由船上打到落海，何廣沛仲爆拍呢場爭執戲時，陳浚霆就發生咗小意外受傷呀。
《金式森林》星期一至五晚 21:30 翡翠台