75歲嘅資深製作人甘國亮已有一段時間冇喺公開場合亮相，今日有報道指佢疑似患上失智症，被警員帶往將軍澳警署，再送往醫院接受治療。其密友Alex王士維接到傳媒查詢事件時，立即掛斷電話，未作任何回應。
身為甘國亮好友嘅賈思樂受訪時證實甘國亮近年身體欠佳，對於被指送院治療，Louie亦好擔心，又指甘國亮在港並冇親人，多年來跟密友Alex相處。Louie三個月前曾與甘國亮傾咗成個鐘電話，Louie話甘國亮喺電話入面同佢道歉，話因為身體唔好，去唔到舊年10月佢舉行慶祝登七兼入行50周年嘅演出，當時甘國亮未有透露身體有咩毛病。
